बदलापुर (बदलापुर विकास मिडिया)- नुकताच बदलापुर येथील मोहन ग्रिन वुड फेज 2 येथील महिला रहिवाशीच्या गळ्यातील चेन अज्ञात चोरट्यांनी जबरदस्ती ने घेऊन पळ काढल्याने पुन्हा एकदा बदलापुरात चेन स्नैचिंगच्या घटने वाढ होतांना दिसुन येते.
पिडीत महिलेचे नाव मानसी हेमकांत सोनावणे असुन त्या दि. 21 सप्टेंबर रोजी रात्री 8.45 च्या सुमारास आपल्या घरी जातांना सोसायटी आवारातच अज्ञात चोरट्यांनी पिडीतेच्या गळ्यातील चेन हिस्काऊन तेथून पळ काढला. याबाबत पिडीतेच्या पतिने सोसायटीच्या सेक्रेटरीकडे सी.सी.टी.व्ही. फुटेजची मागणी केली व स्थानिक पोलीस ठाण्यात चेन स्नैचिंगच्या घटनेची माहिती दिली आहे.
तक्रारदाराच्या जबाबानंतर बदलापुर पश्चिम पोलीसांनी तातडीने फुटेज घेऊन गुन्ह्याचा तपास करत असुन लवकरच गुन्हेगाराला अटक करण्याचे पोलीसांनी आश्वासन दिले आहे.
सध्या ज्याप्रकारे सोन्याचे भाव गगनाला भिडले आहे व त्यातच बेरोजगारी वाढली आहे त्यामुळे चेन स्नैचिंगच्या घटनेत मोठ्या प्रमाणात वाढ झाल्याचे दिसुन येते. पोलीस प्रशासन देखील या चेन स्नैचिंगच्या टोळीला अटक करण्यासाठी वरिष्ठ पातळीवर कार्यरत असल्याचे सुत्रांकडून समजते.
